Roboskî;Heviyen Şıkesti

Ev deng ne dengekî ji rêzê bû. Dengekî bikelecan û lerzok bû. Ev deng ji têlefona Kekê Hêbetûllah hatibû. Têlefona Kekê Hêbetûllah ji ber ku xerabe bû hew bi dengweşa têlefonê dihat guhdarkirin. Dengê têlefonê ji teref civatê gişa dihat sehkirin. Dengê Kekê Silêman ketibû guhê hemûya. Çawa Hêbetûllah bawer nekir her wiha kesekî jî bawer nekir. Di nav xwe de digot Silêman heneka bi me dike. Lêbelê çawa ku dengê îske îska Kekê Silêman kete guhê wan hîn nû yeqîn kirin. Hêbetûllah: —Bibêje Kekê Silêman çi hat serê we, hela bibêje. —Ez nizanim em li sînor in. Kes ji me nehiştin.